Վրաստանի օդանավակայանների միավորումը շարունակում է ուղևորների և օդանավերի սպասարկման բարելավման նպատակով բարձր տեխնոլոգիաների և ժամանակակից ծառայությունների ներդրումը Քութայիսիի միջազգային օդանավակայանում։ Քութայիսիի միջազգային օդանավակայանը լիովին համալրվել է օդանավակայանի շահագործման համար անհրաժեշտ հատուկ տեխնիկայով, – այս մասին տեղեկատվություն է տարածում Վրաստանի օդանավակայանների միավորումը։

Նրանց տեղեկատվությամբ՝ տերմինալի մեկնելու նախնական ստուգման տարածքում ուղևորների ավիացիոն անվտանգության ստուգման համար նախատեսված մետաղադրամային դետեկտորները փոխարինվել են ժամանակակից տեխնոլոգիայով աշխատող մարմնի սկանավորման սարքերով՝ այսպես կոչված Body scanner-ներով։

«Վրաստանի օդանավակայանների միավորումը, Քութայիսիի միջազգային օդանավակայանի հետ մեկտեղ, անվտանգության ստուգման նոր սկաներներ է տեղադրել նաև Թբիլիսիի միջազգային օդանավակայանում։

Լիովին թարմացվել է Դավիթ Շինարարի անվան միջազգային օդանավակայանի ավիադաշտի հատուկ տեխնիկան։

Քութայիսիի միջազգային օդանավակայանի համար օդանավակայանների միավորումը ձեռք է բերել․

1 միավոր նոր ամբուլիֆտ, 4 միավոր ուղևորների շարժական սանդուղք, 4 միավոր ուղեբեռի ժապավենային կոնվեյեր, 1 միավոր օդանավի քարշակող մեքենա, 2 միավոր օդանավի արտաքին էներգամատակարարման միավոր, 3 միավոր ուղեբեռի տեղափոխման տրակտոր, 1 միավոր ասենիզացիայի մեքենա, 1 միավոր օդանավի օդային մատակարարման ագրեգատ: Օդանավակայանների միավորումը օդանավերի սպասարկման և ավիադաշտի ապահովման ավտոպարկի 17 միավոր հատուկ տեխնիկայի թարմացման մեջ ընդհանուր առմամբ ներդրել է 3,162,392 լարի», – նշված է տեղեկատվությունում։