Ախալքալաքում առավոտից տոնական եռուզեռ էր։ Տարբեր դպրոցներում առաջին զանգը հնչեց տարբեր ժամերին։ Երեխաները՝ ծաղիկներով ու փուչիկներով, կոկիկ հագնված, քայլում էին դեպի դպրոց։ Ախալքալաք քաղաքում կա 5 դպրոց՝ 3 հայկական, մեկ ռուսական և մեկ վրացական։

Ախալքալաքի մունիցիպալիտետի դպրոցականների ընդհանուր թիվը, ըստ Կրթական ռեսուրս կենտրոնի, կազմում է 6789: Այս տարի առաջին դասարան է հաճախել 534 աշակերտ: Նախնական տվյալներով (տվյալները կարող են փոխվել), Մոդեգամ գյուղի դպրոցում առաջին դասարանցիներ չկան, իսկ 4 գյուղերում (Բուռնաշեթ, Թախչա, Մյասնիկյան և Հոկամ (2-րդ դպրոց) կա 1-ական առաջին դասարանցի: Ինչ վերաբերում է Ախալքալաքի դպրոցներին, ապա 34 առաջին դասարանցի հաճախել է թիվ 1 հանրային դպրոց, որտեղ բացվել է 2 դասարան, 62 առաջին դասարանցի՝ թիվ 2 հանրային դպրոցում՝ 3 առաջին դասարաններում, 19 առաջին դասարանցի՝ թիվ 3 հանրային դպրոցում, 57 առաջին դասարանցի՝ թիվ 4 հանրային դպրոցում՝ 3 առաջին դասարաններում և 11 աշակերտ՝ թիվ 5 դպրոցի առաջին դասարանում:

mbedr.flickr.com/assets/client-code.js” charset=”utf-8″>