Նորվեգական Fritt Ord և ZEIT Stiftung Bucerius հիմնադրամը հայտարարել են լրատվամիջոցների ազատության մրցանակի դափնեկիրների անունները, որոնց թվում է նաև Netgazeti-ի և Batumelebi-ի հիմնադիր Մզիա Ամաղլոբելին։

«Մեդիա ազատության մրցանակ»-ի այս տարվա դափնեկիրներն են՝

• Gwara Media մեդիա հարթակ (Ուկրաինա)
• Լրագրող և մեդիայի հիմնադիր Մզիա Ամաղլոբելի (Վրաստան)
• Հետաքննող առցանց մեդիա՝ Direkt 36 (Հունգարիա)
• Լուսանկարիչ և ֆոտոլրագրող Ալեքսանդրա Աստախովա (Ռուսաստան)
• Belarus Investigative Center մեդիա ալիք (Բելառուս)
• Լրագրող Նարգիզ Աբսալամովա (Ադրբեջան)

«Մրցանակը կշնորհվի Արևելյան և Կենտրոնական Եվրոպայի վեց անկախ լրատվամիջոցների և լրագրողների՝ ի նշան նրանց քաջարի հետաքննող լրագրության` ծայրահեղ դժվարին պայմաններում: Տարածաշրջանի ավտորիտար ռեժիմներն ընդլայնում են իրենց ազդեցությունը, և այս տարվա դափնեկիրներից երկուսը վերջերս դատապարտվել են մի քանի տարի ազատազրկման իրենց մասնագիտական ​​գործունեության համար: Այս տարվա դափնեկիրների ստեղծած մի շարք ակնառու վավերագրական ֆիլմեր՝ կարճամետրաժ և լիամետրաժ, արժանացել են լսարանի ուշադրությանը», — ասված է հիմնադրամի մամուլի հաղորդագրության մեջ:

Fritt Ord և ZEIT Stiftung Bucerius հիմնադրամը նշել են, որ Մզիա Ամաղլոբելին դարձել է անկախ լրագրության դեմքը Վրաստանում և պարգևատրվում է լրագրողական էթիկայի և ճշմարտության նկատմամբ իր 25-ամյա նվիրվածության համար։