Վրաստանում գնաճը շարունակվում է: Oգոստոսին գնաճը հասել է 4.6%-ի, որն ամենաբարձրն է վերջին երկու տարվա ընթացքում: Այս մասին հայտնում է Վրաստանի ազգային վիճակագրական ծառայությունը։

Սննդամթերքից (10%) հետո գներն ամենաշատը աճել են առողջապահության ոլորտում. այստեղ տարեկան աճը կազմում է 9.3%։

Հիվանդանոցային ծառայությունները դարձել են առողջապահության ոլորտում ամենաթանկը` 26%-ով ավելի։ Թանկացել են նաև դեղորայքը, թերապևտի խորհրդատվությունը, վիրաբուժական և ատամնաբուժական ծառայությունները, մասնավորապես՝

1. Հիվանդանոցային ծառայություններ՝ 26%
2. Ցավազրկողներ` 22%
3. Թերապևտի խորհրդատվություն` 15%
4. Վազոդիլատորներ` 12%
5. Վիտամիններ` 11%
6. Արյան անալիզ` 8%
7. Ուլտրաձայնային հետազոտություն` 6%
8. Ստոմատոլոգիական ծառայություններ` 4%
9. Հակաբորբոքային դեղամիջոցներ` 3%
10. Մարսողական համակարգի դեղամիջոցներ` 3%
11. Աչքի լինզա` 2%
12. Ներարկիչ` 1%
13. Բամբակ` 1%
14. Վիրաբուժական ծառայություններ` 1%։