2025 թվականի սեպտեմբերի 1-ից Վրաստանում ուժի մեջ են մտել աշխատանքային սարքավորումների օգտագործման նվազագույն անվտանգության պահանջների վերաբերյալ աշխատանքի պաշտպանության նոր կանոններ: Սա տեխնիկական կանոնակարգ է, որը վերաբերում է գրեթե բոլոր ձեռնարկություններին, որոնք օգտագործում են մեքենաներ, սարքավորումներ, գործիքներ կամ այլ մեխանիզմներ:
Կանոնակարգի հիմնական պահանջները
– Գործատուն պարտավոր է աշխատողներին ապահովել անվտանգ աշխատանքային սարքավորումներով, որոնք պետք է ուղեկցվեն տեխնիկական փաստաթղթերով և օգտագործվեն խստորեն հրահանգների համաձայն։
– Գործատուն պարտավոր է պարբերաբար անցկացնել սարքավորումների ստուգումներ և գրավոր գրանցել դրանք։ Բոլոր գրառումները պետք է պահվեն պատասխանատու անձի կողմից։
– Ստուգումների համար պատասխանատու աշխատողները պետք է ունենան կամ որակավորման փաստաթղթային ապացույցներ, կամ համապատասխան ոլորտում առնվազն երկու տարվա աշխատանքային փորձ։
«Գործարար Վրաստան» ասոցիացիայի նախագահ Միխեիլ Կորձախիան նշել է, որ մասնավոր հատվածին չափազանց քիչ ժամանակ է տրվել նոր կանոններին հարմարվելու համար։
Հիմնական խնդիրները
1. Հին սարքավորումներ. շատ մեքենաներ և սարքավորումներ չեն համապատասխանում նոր պահանջներին, որոշները չունեն անձնագրային տվյալներ: Փոխարինումը պահանջում է զգալի ֆինանսական ներդրումներ, ինչը հատկապես դժվար է փոքր և միջին բիզնեսի համար:
2. Անձնակազմի որակավորում. կանոնակարգը ամբողջովին չի սահմանում, թե ով կարող է համարվել սարքավորումների ստուգման համար պատասխանատու մասնագետ: Հարց է առաջանում. արդյո՞ք միայն փորձը (2 տարի) բավարար է՝ առանց դիպլոմի կամ վկայականի: Շուկայում քիչ ֆորմալ վերապատրաստված տեխնիկական անձնակազմ կա, ինչը դժվարություններ է ստեղծում ձեռնարկությունների համար:
Պահանջներից մի քանիսn ուժի մեջ են մտել 2025 թվականի սեպտեմբերի 1-ին։
Մնացած փոփոխություններն ուժի մեջ կմտնեն 2026 թվականի հունվարին։
