Ախալքալաքի կենտրոնական «Խաս Բախչա» զբոսայգում երեխաների համար նախատեսված սղարանները և ճոճանակները վատ վիճակում են գտնվում։
Զբոսայգի խաղալու են գալիս տարբեր տարիքի երեխաներ։ Ներկայումս ճոճանակները, որոնք միշտ զբաղված էին, դատարկ են, քանի որ կոտրված են և երեխաները վախենում են խաղալ։
Այս հարցով Jnews-ը դիմեց Ախալքալաքի Սպասարկման կենտրոնի տնօրեն Մխիթար Ռստակյանին։
Նա պարզաբանեց․ «Որոնք ջարդված են, դրանք վերանորոգելու ենք, բայց փոխելու մասին ես չեմ կարող պատասխանել»։
«Խաս Բախչան» միշտ մարդաշատ է, հատկապես տոն օրերին։ Այն ախալքալաքցիների՝ հատկապես փոքրերի սիրելի վայրն է։