Կախեթիում ավանդաբար խաղողի բերքահավաքը (Ռթվելի) սկսվել է Դեդոփլիսծղարո մունիցիպալիտետում:

Սեպտեմբերի 2-ի դրությամբ գինեգործական ձեռնարկությունները վերամշակել են մոտ 3,5 հազար տոննա խաղող:

Կախեթիի մյուս մունիցիպալիտետներում խաղողի բերքահավաքը կսկսվի աստիճանաբար՝ կախված նրանից, արդյոք պտուղները հասել են անհրաժեշտ վիճակի:

Համակարգող շտաբը գրանցել է մոտ 200 գինեգործական ընկերություն, որոնք կմասնակցեն խաղողի ընդունման և վերամշակման գործընթացին:

Ռթվելիի հետ կապված ցանկացած տեղեկատվություն կարելի է ստանալ՝ զանգահարելով Բնապահպանության և գյուղատնտեսության նախարարության թեժ գծին՝ 1501 և բերքահավաքման համակարգող շտաբի թեժ գծին՝ 0322 193 283:

Հարկավոր է նշել, որ Վրաստանի կառավարության որոշման համաձայն, այս տարի ավելցուկային խաղողը «Բերքի կառավարման ընկերություն» պետական ձեռնարկությունը կգնի տարբերակված գներով՝ կախված որակից. Կախեթիի շրջանում աճեցված «Սափերավի» սորտը 1.50 լարիով, «Խաղողի որթի և գինու մասին» Վրաստանի օրենքով թույլատրված այլ գինու տեսակները՝ 1.20 լարիով, իսկ ոչ ստանդարտ և վնասված/հիվանդ խաղողը 1.00 լարիով։

Գինեգործական մասնավոր ընկերությունների համար սուբսիդիաներ այլևս չեն տրամադրվում։