Վեցերորդ նախագահ Միխեիլ Ղավելաշվիլին նամակ է գրել Դոնալդ Թրամփին՝ նշելով, որ նա «պատշաճ ուշադրություն» չի դարձնում Վրաստանին։
«Ասում են, որ վերջին մի քանի ամիսների ընթացքում դուք փոխել եք աշխարհի կեսը։ Սակայն… Ձեր վարչակազմը պատշաճ ուշադրություն չի դարձնում մեր երկրին», — ասվում է նամակում։
Ղավելաշվիլին գրում է, որ ԱՄՆ վարչակազմը պատշաճ ուշադրություն չի դարձնում Վրաստանին, և «արժեքների լիակատար համընկնման» ֆոնին սա զարմանք է առաջացնում վրացական հասարակության մեջ։
Ղավելաշվիլին վրացական հասարակության զարմանքի մասին հիշատակում է գրեթե յուրաքանչյուր պարբերությունում։
«Ձեր պասիվությունը վրաց ժողովրդի մոտ կասկածներ և հարցեր է առաջացնում այն մասին, թե որքանով են ազատ և անկեղծ ձեր վարչակազմի գործողությունները տարածաշրջանում խաղաղության ամրապնդման առումով»։
Ղավելաշվիլին նաև նշում է, որ «Deep State-ը շարունակում է ակտիվություն ցուցաբերել Վրաստանի առնչությամբ և հույս է հայտնում, որ Թրամփը ուշադրություն կդարձնի տեղի ունեցողին»։
«Հատկանշական է, որ ձեր նախագահության մի քանի ամիսների ընթացքում դուք սերտ հարաբերություններ եք հաստատել Վրաստանի բոլոր հարևան երկրների հետ՝ դուք հաջողությամբ նպաստել եք Ադրբեջանի և Հայաստանի միջև խաղաղության համաձայնագրի ստորագրմանը, ակտիվորեն համագործակցում եք Թուրքիայի կառավարության հետ և նույնիսկ վերականգնել եք գործընկերությունը Վլադիմիր Պուտինի հետ։ Սակայն, այս ֆոնի վրա, ձեր վարչակազմը ոչինչ չի ասում Վրաստանի մասին, որը, ինչպես ես արդեն նշել եմ, զարմանք է առաջացնում վրացական հասարակության շրջանում»։
Սա Վրաստանի իշխող կուսակցության կողմից Ամերիկայի նախագահին լսելի լինելու երկրորդ փորձն է. դրանից առաջ նամակ էր հղել վարչապետ Կոբախիձեն։
Աղբյուրը՝ Newsgeorgia
