Երկրաբանները հայտնաբերել են աշխարհի ամենամեծ ոսկու հանքավայրերից մեկը։ Հանքավայրը գտնվում է Կենտրոնական Չինաստանում, և տեղական լրատվամիջոցների տվյալներով՝ նման մասշտաբի հայտնաբերումն աննախադեպ է նորագույն պատմության մեջ։
Հունան նահանգի Փինցզյան շրջանում գտնվող տարածքը, ըստ տեղական լրատվամիջոցների, պարունակում է ավելի քան 1000 տոննա ոսկի, որի արժեքը կազմում է մոտ 78 միլիարդ եվրո։
Հունան նահանգի երկրաբանական ծառայության տվյալներով՝ Վանգու ոսկու հանքում հաստատվել է, որ ավելի քան 40 ոսկի կրող երակներ կան, որոնցից 300 տոննա ոսկի արդեն արդյունահանվել է 2000 մետր խորության վրա։ 3000 մետր խորության վրա հորատումը բացահայտել է լրացուցիչ պաշարներ, որոնք գերազանցում են նախնական սպասումները։
Ինչպես նշել է երկրաբան Չեն Ժոլինը, միջուկի նմուշներից շատերը պարունակում էին ոսկու տեսանելի հետքեր, ինչը հազվադեպ է հանդիպում ժամանակակից երկրաբանական հետախուզական աշխատանքներում: Որոշ հանքաքարեր պարունակում էին մինչև 138 գրամ մետաղ, ինչը զարմանալիորեն բարձր կոնցենտրացիա է՝ ըստ արդյունաբերական չափանիշների:
Հարկ է նշել, որ հանքավայրը սկզբնապես հայտնաբերվել է 3D երկրաբանական մոդելավորման, խորը միջուկի հորատման և երկրաֆիզիկական պատկերման միջոցով: Այս գործիքները թույլ են տվել գիտնականներին վիզուալ տեսնել ստորգետնյա կազմավորումները և նույնականացնել ոսկով հարուստ տարածքները:
Հունանի նահանգային երկրաբանական բյուրոյի փոխտնօրեն Լյու Յունցզյունը ընդգծել է այս տեխնոլոգիայի կարևոր դերը հանքավայրի նույնականացման գործում: Խումբը նաև ներուժ է հայտնաբերել միջուկին հարակից տարածքներում:
Հանքավայրի հայտնաբերումը կարող է Հունան նահանգը վերածել խոշոր հանքարդյունաբերական կենտրոնի և, ինչպես կանխատեսվում է, կստեղծի բազմաթիվ աշխատատեղեր բազմաթիվ ոլորտներում, այդ թվում՝ լոգիստիկայի, տրանսպորտի և վերամշակման ոլորտներում։
Համաշխարհային ոսկու խորհրդի տվյալներով՝ Չինաստանը, որն արդեն իսկ աշխարհի ամենամեծ ոսկու արտադրողն է։ Վանգու ոսկու հանքը կարող է զգալիորեն մեծացնել արտադրությունը՝ մեծացնելով երկրի ազդեցությունը համաշխարհային մատակարարման շղթաների և ոսկու գների վրա:
