Ախալքալաքի մունիցիպալիտետի Հոկամ գյուղում ընթացքի մեջ են երկու նոր դպրոցների՝ վրացական և վայկական, շինարարական աշխատանքները։ Jnews-ը պարբերաբար այցելում է շինհրապարակ, վերջին անգամ հուլիսի կեսերին էր, գրեթե երկու ամիս է անցել, սակայն տպավորություն է, որ այս ընթացքում ոչինչ չի արվել։
Հոկամ գյուղի №1 հանրային դպրոցի նորկառույց շենքն է։ Լուսանկարն արված է սեպտեմբերի 1-ին։
Մեր այցելության ժամանակ վրացական (№1) դպրոցի շենք ներս մտնել չհաջողվեց, քանի որ այդ պահին այնտեղ աշխատողներ չկային։
Իսկ հայկական (№2) դպրոցում շինարարները գտնվում էին տեղում։ Նրանց խոսքերով՝ շինարարությունն ընթանում է սահմանված կարգով, սակայն շինաշխատանքների պատասխանատուն տեղում չէր։
Հոկամ գյուղի №2 հանրային դպրոցի նորակառույց առաջին հարկը։ Լուսանկարն արված է սեպտեմբերի 1-ին։
Հիշեցնենք, որ երկու դպրոցներն էլ լինելու են եռահարկ։ Շինարարության տենդերը հաղթել է ՍՊԸ «Սաբա Կոնստրաքշեն» ընկերությունը։
№1 վրացական դպրոցը նախատեսված է 90 աշակերտի համար, շինարարության պայմանագրային արժեքը 3 444 944,34 լարի է։
№2 հայկական դպրոցը նախատեսված է 60 աշակերտի համար, պայմանագրային արժեքը 2 146 295,60 լարի է։
Գյուղի բնակիչների խոսքերով՝ շինարարական աշխատանքները նախատեսվում է ավարտին հասցնել 2026 թվականի սեպտեմբերին, որպեսզի աշակերտները նոր ուսումնական տարին սկսեն արդեն նոր դպրոցներում։
Համեմատության համար կաորղ անցել հետևյալ հղումով՝
