Վրաստանի Ֆինանսների նախարարության քննչական ծառայության աշխատակիցները, իրականացված օպերատիվ-հետախուզական և քննչական գործողությունների արդյունքում, ձերբակալել են օտար երկրի քաղաքացու՝ մեծ քանակությամբ կեղծ գումարի իրացման փաստով։

«Քննությամբ պարզվել է, որ մեղադրյալը, ապօրինի նպատակով նյութական շահ ստանալու համար, Աջարիայի տարածաշրջանում իրացրել է ընդհանուր 7,400 ԱՄՆ դոլարի չափով 74 հատ կեղծ 100-դոլարանոց թղթադրամ», – նշում են քննչական ծառայությունում։

Նրանց հաղորդմամբ՝ իրականացված քննչական գործողությունների արդյունքում կեղծ դոլարներն ամբողջությամբ առգրավվել են։

Քննությունը ընթանում է Վրաստանի քրեական օրենսգրքի 212-րդ հոդվածի երկրորդ մասով, որը նախատեսում է ազատազրկում յոթից տասը տարի ժամկետով։