Վրաստանում դեռ տեղի է ունենում քաղաքացիական հասարակության վրա կառավարության վերահսկողությունը ստանձնելու գործընթաց՝ օրենքների ընդունման միջոցով, ինչպես նաև փորձ է արվում վերանայել ոչ կառավարական կազմակերպությունների աշխատանքի կարևորությունը, արդյո՞ք կշարունակեն աջակցել այնպիսի հասկացությունները, ինչպիսին է քաղաքացիական բյուջետավորումը, և արդյոք հատկացված 50 000 լարին կօգտագործվի Ախալքալաքում քաղաքացիական գաղափարի իրականացման համար։
2023 թվականի օգոստոսից Ախալքալաքում և Նինոծմինդայում իրականացվում է «Հասարակության հնարավորությունների ընդլայնում սոցիալ-տնտեսական և քաղաքական կյանքում իրավահավասար և բազմակողմ մասնակցության համար» նախագիծը, որի շրջանակներում սովորական քաղաքացիներին հնարավորություն է տրվել մասնակցելու մունիցիպալիտետի բյուջետավորման գործընթացին։
Նախագծի համաձայն՝ Վրաստանի յուրաքանչյուր քաղաքացի, որը գրանցված է և (կամ) իրականում բնակվում է Ախալքալաք կամ Նինոծմինդա քաղաքում, կարող էր առաջարկել իր գաղափարը՝ ուղղված մունիցիպալիտետի ընդհանուր բարելավմանը։
Նախագիծն իրականացրել է «HEKS-EPER Georgia» կազմակերպությունը՝ Սամցխե-Ջավախեթիի գործընկերոջ՝ Քաղաքացիական հասարակության ձևավորման աջակցության կենտրոնի (SCCSF) աջակցությամբ։
Քաղաքացիական բյուջեի իրականացման հիմնական նպատակը բնակչությանը քաղաքային կամ մարզային կառավարման գործընթացներին ներգրավելն է: Այն թույլ է տալիս քաղաքացիներին ինքնուրույն որոշել, թե ինչպես օգտագործել և բաշխել տեղական բյուջեի գումարը։
Նախագծերի իրականացման 4 տարվա և քաղաքացիական բյուջետավորման ներդրման 2 տարվա ընթացքում Նինոծմինդայում քաղաքացիների կողմից ներկայացվել է 5 գաղափար, իսկ Ախալքալաքում՝ 7: Եթե Ախալքալաքում նախապատվությունը տրվել է զբոսաշրջային ենթակառուցվածքների բարելավմանը, ապա Նինոծմինդայում դա հիմնականում սպորտային նախագծերն էին:
Նախագծի շրջանակներում առաջարկվել են հետևյալ նախագծերը՝
Նինոծմինդա
2023-2024
- Խոջաբեկում անասունների համար նախատեսված խմելու ջրի ավազան
- Խոջաբեկում և Նորաշենում մարզագույք
2024-2025
- Լողավազանի կառուցում
- Բացօթյա մարզագույքի համար նախատեսված ապաստարան
- Հանգստի գոտի
Ախալքալաք
2023-2024
- Քաղաքային ժամացույց
- Ինտերակտիվ գովազդային վահանակ
- Փարվանա գետի մոտ լողափի կազմակերպում
- Դիտակետ Ախալքալաք քաղաքի մուտքի մոտ
2024-2025
- Քաղաքային կայարանի տարածքի բարեկարգում
- Ճգնավոր սրբավայր տանող ճանապարհի բարեկարգում
- Փողոցների անվանական ցուցանակների տեղադրում
Քաղաքացիական բյուջետավորման իրականացման 2 տարիների ընթացքում տեղական իշխանություններն Ախալքալաքում քաղաքացիական նախագծերի համար հատկացրել են 80 000 լարի (30 000 լարի 2023-2024 թվականներին և 50 000 լարի 2024-2025 թվականներին), իսկ Նինոծմինդայում՝ 50 000 լարի (20 000 լարի 2023-2024 թվականներին և 30 000 լարի 2024-2025 թվականներին):
Երկու նախագիծ արդեն իրականացվել է, իսկ ևս երկուսը կիրականացվեն 2025 թվականին: Քվեարկությամբ ընտրվել են Ախալքալաքում՝ գովազդային վահանակը և Նինոծմինդայի Նորաշենում մարզագույքը 2024 թվականի համար, իսկ 2025 թվականին Ախալքալաքում իրականացվելու համար ընտրվել են Ճգնավոր սրբավայր տանող ճանապարհի բարեկարգման և Նինոծմինդայի լողավազանի կառուցման նախագծերը:
Սակայն օգոստոսի դրությամբ Ճգնավոր սրբավայր տանող ճանապարհի բարեկարգման աշխատանքների իրականացման վերաբերյալ որևէ տեղեկատվություն չկա: Ինչպես նշում է Արա Մովսիսյանը, նախագծի մշակման գործընթացը դեռևս ընթացքի մեջ է:
