TBC Pay-ի արագ վճարման սարքում ավելացվել է նոր գործառույթ՝ օգտատերերն այժմ կարող են օգտվել սարքից հայերենով։

Լեզվական արգելքը վերացնելու և TBC Pay ծառայությունները հնարավորինս պարզեցնելու համար ընկերությունը որոշել է իր տերմինալներում ավելացնել նոր լեզու։ Մինչ այժմ սարքերը հասանելի էին միայն վրացերեն և անգլերեն լեզուներով։

Լեզուն փոխելը հեշտ է էկրանի վերին աջ անկյունում գտնվող կոճակի միջոցով: Թարմացումն արդեն հասանելի է TBC բանկի մասնաճյուղերում, ինչպես նաև այլ վայրերում տեղակայված տերմինալներում:

Օգտատերերն արդեն կարող են հայերենով օգտվել մինչև 1000 ծառայությունից՝ բանկային հաշվին գումար մուտքագրել, կոմունալ ծառայությունների վճարում կատարել, բջջային հեռախոսի հաշիվը լիցքավորել, պետական ծառայությունների համար վճարել և այլն։