2025 թվականի հուլիսին Վրաստանում գնաճի մակարդակը նախորդ ամսվա համեմատ կազմել է -0.2%, իսկ տարեկան գնաճի մակարդակը՝ 4.3%: Այս մասին նշված է «Սաքստատի» կողմից տարածված տեղեկատվության մեջ, գրում է bpn.ge-ն։

Ինչ վերաբերում է բազային գնաճին, ապա Ազգային վիճակագրական ծառայության տվյալներով՝ 2025 թվականի հուլիսին այս ցուցանիշը կազմել է 2.4%՝ նախորդ տարվա նույն ժամանակահատվածի համեմատ, իսկ տարեկան բազային գնաճի մակարդակը՝ առանց ծխախոտի, սահմանվել է 2.2%-ի մակարդակում:

Վիճակագրության համաձայն, այս տարվա հուլիսին, նախորդ տարվա նույն ժամանակահատվածի համեմատ, էժանացած ապրանքների թվում էին ավիատոմսերը, դիզելային վառելիքը և ինտերնետի վճարները։

«Սաքստատ»-ի տվյալներով՝ Բիզնեսպրեսնյուզն առաջարկում է տարվա ընթացքում ամենաէժանացած տասը ապրանքները.

• Վարունգ՝ 27.2%,
• Ինտերնետ (վճար)՝24.5%,
• Պղպեղ՝ 19%,
• Ձմերուկ՝ 16.2%,
• Կանաչ լոբի՝ 15.1%,
• Դիզելային վառելիք՝ 11.5%,
• Սառնարան՝ 11.4%,
• Պաստառներ՝ 11%,
• Ավիատոմսեր՝ 10.9%,
• Միքսեր՝ 10.8%: