Վրաստանի դատախազությունը մեղադրանք է առաջադրել Պաշտպանության նախարարության երեք նախկին բարձրաստիճան պաշտոնյաների՝ գերատեսչությանը պատկանող խոշոր չափերի գումարների հափշտակության և օգտագործելով իրենց պաշտոնեական դիրքն այդ հափշտակությանն օժանդակելու համար։

Դատախազությունը մտադիր է դիմել դատարան՝ մեղադրյալի նկատմամբ օրենքով սահմանված ժամկետում որպես խափանման միջոց կալանավորում կիրառելու միջնորդությամբ։

Գերատեսչությունը պարզել է, որ 2023 թվականին Վրաստանի պաշտպանության նախկին փոխնախարարը և այն ժամանակվա Վրաստանի պաշտպանության նախարարության գնումների վարչության պետը, Վրաստանի այժմ արդեն նախկին պաշտպանության նախարար Ջուանշեր Բուրճուլաձեի ազգականի օգնությամբ, գործարք կնքելու արդյունքում, ռազմական հոսպիտալի համար մագնիսա-ռեզոնանսային տոմոգրաֆիա (ՄՌՏ) սարք գնելու գործընթացում ստեղծել է ոչ մրցակցային միջավայր, որի արդյունքում սարքի իրական արժեքը բարձրացել է, և 2,606,272 լարի արժողությամբ ՄՌՏ սարքը Վրաստանի պաշտպանության նախարարությանը մատակարարվել է 3,940,000 լարիով։

Մեղադրյալները յուրացրել են Վրաստանի պաշտպանության նախարարությանը պատկանող 1,333,728 լարին։

Հետաքննությունը տարվում է Վրաստանի պաշտպանության նախարարությանը պատկանող խոշոր չափի գումարի հափշտակության և հափշտակությանը օժանդակելու փաստի առթիվ՝ մի խումբ անձանց նախնական համաձայնությամբ, Վրաստանի ՔՕ 182-րդ հոդվածի 2-րդ մասի «ա», «դ» և 3-րդ մասի «բ» ենթակետերով, հանցագործությունը նախատեսում է 7-ից 11 տարի ազատազրկում։