«Վրացական երազանք»-ի գլխավոր քարտուղար, Թբիլիսիի գործող քաղաքապետ Կախա Կալաձեն հայտարարել է, որ մտադիր է մասնակցել տեղական ինքնակառավարման մարմինների ընտրություններին։

«Մեզ մոտ ապագայում սպասվում է (թեկնածուների) պաշտոնական առաջադրումը։ Դրանից հետո մենք նաև կհայտարարենք մեծամասնական շրջանների թեկնածուների անունները՝ ինչպես մայրաքաղաքում, այնպես էլ ամբողջ երկրում։ Մենք արդեն սկսել ենք նախապատրաստվել, սկսել ենք աշխատանքները և շատ շուտով կսկսենք ընտրարշավը, որը կմտնի իր ակտիվ փուլ։

Ինչ վերաբերում է մրցակիցներին, ևս մեկ անգամ կրկնում եմ, ես չեմ սիրում խոսել։ Ես մարդկանց ասում եմ այն մարտահրավերների, խնդիրների մասին, որոնք արդիական են և անհանգստացնում են Թբիլիսիի բնակիչներին։

Ինչ վերաբերում է վարկանիշներին, ապա այստեղ ես կրկին կարող եմ ուղիղ ասել, որ «Վրացական երազանք»-ն այն ուժն է, որը կհասնի 100% հաղթանակի բոլոր մունիցիպալիտետներում, բոլոր շրջաններում, ինչպես մունիցիպալ մակարդակով, այնպես էլ քաղաքապետերի թվի առումով», — հայտարարել է Կախա Կալաձեն, հայտարարությունը հրապարակվել է «Իմեդի» հեռուստաընկերության կողմից։