Այսօր Թբիլիսիում կկայանա աշխարհահռչակ արտիստ Ջասթին Թիմբերլեյքի համերգը: Ինչպես հիշեցնում են Black Sea Arena-ի կազմակերպիչները, նա ելույթ կունենա «Դինամո Արենա» մարզադաշտում՝ ժամը 21:30-ին:

«Starring Georgia նախագծի շրջանակներում վրացական հանրությունն արդեն հաճոյացել է համաշխարհային մակարդակի աստղերով, բայց Ջասթին Թիմբերլեյքը փոփ երաժշտության պատմության ևս մեկ էջ է, որն անպայման պետք է դառնա մեր նախագծի մի մասը», — ասվում է կազմակերպիչների հայտարարության մեջ:

Համերգի կապակցությամբ Բորիս Պաիճաձեի անվան Դինամո մարզադաշտի շրջակայքում մեքենաների և հասարակական տրանսպորտի տեղաշարժը կսահմանափակվի, հայտնել է Թբիլիսիի քաղաքապետարանը: Դինամո Արենայի մոտով երթևեկող ավտոբուսային երթուղիները, ինչպես նաև մետրոն, կաշխատեն հատուկ ռեժիմով՝ մինչև հուլիսի 24-ի ժամը 2-ը:

Ջասթին Թիմբերլեյքը ամերիկացի փոփ և ռիթմ-ընդ-բլյուզ երգիչ, երգերի հեղինակ, ձայնագրման պրոդյուսեր, պարող և դերասան է: Նա հայտնի է դարձել որպես հայտնի ‘N Sync տղաների խմբի վոկալիստ: 2002 թվականին նա թողարկել է իր դեբյուտային անհատական ալբոմը՝ «Justified»-ը, որը վաճառվել է ամբողջ աշխարհում ավելի քան յոթ միլիոն օրինակով։ Ջասթին Թիմբերլեյքը տասն անգամ «Գրեմմի» մրցանակի դափնեկիր է և «Օսկար»-ի թեկնածու։