Վրաստանը չի կարող անդամակցել ԵՄ-ին, քանի դեռ նրա կառավարությունը չի հրաժարվել ավտորիտար ուղուց։ Այս մասին գրում է Եվրոպական խորհրդարանի պաշտոնական էջը սոցիալական հարթակ X-ում։
«Եվրոպական խորհրդարանը կանգնած է վրաց ժողովրդի կողքին։ Խորհրդարանը չի ճանաչում Վրաստանի ներկա կառավարությանը և հայտարարում է, որ մինչև արդար ընտրությունների անցկացումը, երկրի անդամակցության գործընթացը ԵՄ-ին փաստացիորեն դադարեցված է», – նշված է Եվրոպական խորհրդարանի հրապարակման մեջ։
