Ինքնասպանության փորձ կատարած Աջարիայի կառավարության նախկին նախագահ Թորնիկե Ռիժվաձեն տեղափոխվել է Թուրքիա՝ բուժման համար։

Այս տեղեկատվությունը Վրաստանի Առաջին ալիքին հաստատել է Առաջին համալսարանական կլինիկայի կլինիկական տնօրեն Լալի Տուրձելաձեն։

Թորնիկե Ռիժվաձեն սկզբում Սագարեջոյի Ջեոհոսպիտալ է ընդունվել հրազենային վնասվածքով, ապա տեղափոխվել է Առաջին համալսարանական կլինիկա։

Թորնիկե Ռիժվաձեի գործով հետաքննություն է սկսվել Վրաստանի Քրեական օրենսգրքի 115-րդ հոդվածով, որը ենթադրում է ինքնասպանության հասցնել։ Բժիշկների խոսքերով՝ Թորնիկե Ռիժվաձեի առողջական վիճակը բնութագրվում է դրական դինամիկայով, նա շփվող է և կատարում է պարզ առաջադրանքներ։

Ծովային տրանսպորտի գործակալության ղեկավար Ալեքսի Ախվլեդիանիին մեղադրանք է առաջադրվել հրազենի անփույթ պահպանման համար։ Դատարանը երեկ նրա նկատմամբ որպես խափանման միջոց սահմանել է 30,000 լարի գրավ և ազատ է արձակել դատարանի դահլիճից։