Վրաստանի «Ճանապարհային երթևեկության մասին» օրենքի պահանջները խախտելու համար նախատեսված ֆինանսական պատժամիջոցները մեծանում են: Խորհրդարան ներկայացված օրինագծի համաձայն՝ ճանապարհային երթևեկության օգտագործողի կողմից օրենքի պահանջները խախտելը (բացառությամբ մեխանիկական ավտոտրանսպորտի վարորդի) կամ լուսացույցին չենթարկվելը, ինչպես նաև ճանապարհային նշանի կամ ճանապարհային գծանշման պահանջներն անտեսելը կհանգեցնի 50 լարի տուգանքի՝ 10 լարիի փոխարեն:
Օրինագծի համաձայն՝ վերը նշված գործողությունների կրկնակի կատարման համար նախատեսված պատիժը 20 լարիից կբարձրանա մինչև 100 լարի:
Վերը նշվածից բացի, վարչական պատասխանատվություն է սահմանվում ճանապարհային երթևեկության օգտագործողի կողմից մայրուղում, միջազգային կամ ներքին ճանապարհին օրենքի պահանջները խախտելու կամ լուսացույցին չենթարկվելու, ինչպես նաև ճանապարհային նշանի կամ ճանապարհային գծանշման պահանջները անտեսելու համար:
Վերը նշվածը կհանգեցնի 100 լարի տուգանքի, իսկ արարքը մեկ տարվա ընթացքում կրկնակի կատարելը՝ 200 լարի տուգանքի:
