Ժամանակակից աշխարհում արհեստական բանականությունը դարձել է առօրյա կյանքի անբաժանելի մասը: ACTR-ն ուսումնասիրություն է անցկացրել այն մասին, թե ինչպես է Վրաստանի բնակչությունն օգտագործում և ընկալում այս տեխնոլոգիան:
Ուսումնասիրության արդյունքների համաձայն՝ Վրաստանում սոցիալական ցանցերի օգտատերերի գրեթե բացարձակ մեծամասնությունը (96%) լսել է արհեստական բանականության մասին ընդհանրապես, իսկ 81%-ը անունով գիտեն ինչ-որ արհեստական բանականության հարթակ:
Ուսումնասիրության արդյունքները հստակ ցույց են տալիս, որ ինչպես արհեստական բանականության հարթակների մասին իրազեկվածությունը, այնպես էլ դրանց օգտագործման ակտիվությունը նվազում է տարիքի հետ:
Հարցվածների 76%-ը արհեստական բանականության հարթակներն օգտագործում է շաբաթը երկու անգամ կամ ավելի հաճախ, ինչը վկայում է դրա լայնածավալ և կրկնվող օգտագործման մասին, իսկ ինչ վերաբերում է նրան, թե ինչ տեղեկատվություն են վրացիները խնդրում արհեստական բանականությունից, ապա դա հետևյալն է.
Տեղեկատվության որոնում՝ 74%,
Ուսումնառություն և հետազոտություն՝ 52%,
Ընդհանուր խորհրդատվություն՝ 48%,
Գաղափարների գեներացում՝ 43%:
Ուսումնասիրությունը ցույց է տալիս, որ արհեստական բանականությունն օգտագործվում է ոչ միայն տեխնիկական նպատակներով, այլև ակտիվորեն ինտեգրվում է կրթական և ստեղծագործական գործընթացներում:
Վստահության առումով պարզվում է, որ վրացի սոցիալական ցանցերի օգտատերերի գրեթե կեսը (45%) վստահում է արհեստական բանականությանը, չնայած հասարակության մեջ դեռևս կան թերհավատության նշաններ: 30%-ը թերհավատորեն է տրամադրված արհեստական բանականության նկատմամբ կամ որոշակի անվստահություն է հայտնում դրա նկատմամբ: Հարցվածների մոտ մեկ քառորդը դժվարանում է պատասխանել արհեստական բանականության նկատմամբ իրենց վերաբերմունքի մասին հարցին։
Թբիլիսցի օգտատերերի կարծիքը արհեստական բանականության նկատմամբ վստահության հարցի վերաբերյալ բաժանված է երկու մասի՝ 42%-ը վստահում է արհեստական բանականությանը, իսկ 40%-ը՝ թերհավատորեն է տրամադրված։
Որոշակի թերհավատությանը չնայած, հասարակական տրամադրությունը ընդհանուր առմամբ լավատեսական է: Հարցվածների 56%-ը կարծում է, որ արհեստական բանականությունը դրականորեն կփոխի հասարակության կյանքը։
Հարցման արդյունքները ցույց են տալիս, որ արհեստական բանականությունն արագորեն ադապտացվում է Վրաստանում: Բարձր իրազեկվածությունը, ակտիվ օգտագործումը և դրական սպասումները ցույց են տալիս, որ արհեստական բանականությունն այլևս պարզապես նոր տեխնոլոգիա չէ. այն արդեն դարձել է առօրյա որոշումների և փորձի մաս։
2025 թվականի ապրիլի 22-ից մայիսի 13-ը Վրաստանում արհեստական բանականության օգտագործման վերաբերյալ առցանց հարցում է անցկացվել: Հարցմանը մասնակցել է սոցիալական ցանցի 637 օգտատեր: Տվյալների վիճակագրական սխալմունքը միջինում չի գերազանցում 4%-ը։ Այս հարցումն անցկացվել է ACT Research (ACTR) ընկերության նախաձեռնությամբ՝ որպես կորպորատիվ սոցիալական պատասխանատվության (CSR) «Թվային թրենդներ» խորագրում