Պատմության մեջ առաջին անգամ բրիտանական հետախուզական ծառայության՝ MI6-ի ղեկավարը կլինի կին: Վրաստանում ծնված Բլեյզ Մետրևելին պաշտոնապես պաշտոնը կստանձնի հոկտեմբերին՝ փոխարինելով ներկայիս ղեկավար Ռիչարդ Մուրին: Մետրևելին կլինի կազմակերպության 18-րդ ղեկավարը։

Այս որոշումը պատմական է անվանել Մեծ Բրիտանիայի վարչապետ Քիր Սթարմերը: Սթարմերը նաև ասել է, որ Բլեյզ Մետրևելին պաշտոնը ստանձնում է այն ժամանակ, երբ Միացյալ Թագավորությունը բախվում է հակառակորդների կողմից աճող սպառնալիքների հետ։

«Ես անհամբեր սպասում եմ այս աշխատանքը շարունակելուն MI6-ի քաջարի սպաների և գործակալների, մեր բազմաթիվ միջազգային գործընկերների հետ միասին», – ասել է Մետրևելին։

Մետրևելին հետախուզական ծառայությունում է 1999 թվականից: Այս փուլում նա Q դեպարտամենտի կարևորագույն տեխնոլոգիական և նորարարական ստորաբաժանման ղեկավարն է: Դեպարտամենտի նպատակն է գաղտնի պահել գաղտնի գործակալների ինքնությունը և մշակել հակառակորդներից խուսափելու նոր եղանակներ։

Բացի այդ, Financial Times-ը գրում է, որ Բլեյզ Մետրևելիի ազգանունը վրացական է, որը արտացոլում է «նրա արևելաեվրոպական ժառանգությունը»։