Ըստ շրջակա միջավայրի պաշտպանության ազգային գործակալության՝ հունիսի 12-ից սկսած Վրաստանի մթնոլորտային օդում նկատվում է պինդ մասնիկների (PM10, PM2.5) պարունակության աճ, որը պայմանավորված է հարավից և հարավ-արևելքից անապատային փոշու զանգվածների տարածմամբ։

Հաղորդվում է, որ Վրաստանի շրջակա միջավայրի պաշտպանության և գյուղատնտեսության նախարարության շրջակա միջավայրի պաշտպանության ազգային գործակալությունը շարունակում է մթնոլորտային օդի որակի անընդհատ մոնիթորինգը՝ ավտոմատ կայանների միջոցով։

«Ցանկացած հետաքրքրված անձ հնարավորություն ունի ծանոթանալու օդի որակի վիճակի վերաբերյալ տեղեկատվությանը, ինչպես նաև ստանալու առողջության պաշտպանության վերաբերյալ առաջարկություններ air.gov.ge օդի որակի պորտալի «Առաջարկություններ» բաժնում», — ասվում է Շրջակա միջավայրի պաշտպանության ազգային գործակալության հաղորդագրության մեջ։