Իսրայելում Վրաստանի դեսպանատունը Վրաստանի քաղաքացիների համար տեղեկություն է տարածում։ Ինչպես նշվում է դեսպանատան կողմից սոցիալական ցանցերում տարածված հայտարարությունում, հաշվի առնելով առկա իրավիճակը, երբ անվտանգության պայմանները բարդ են և կարող են արագ փոխվել, դեսպանատունը քաղաքացիներին հիշեցնում է պարտադիր քայլերի մասին։

«Կարմիր ազդանշան» սիգնալի միացնելուց հետո՝ հետևեք տեղական իշխանությունների հրահանգներին և անհապաղ փնտրեք ապաստարան։ Իմացեք ձեր ամենամոտ ապաստարանի կամ պաշտպանված տարածքի գտնվելու վայրը։

Շենքում գտնվելու ժամանակ՝ պետք է մուտք գործել հատուկ պաշտպանված տարածք/ապաստարան, փակել դռներն ու պատուհանները։

Շենքից դուրս գտնվելու ժամանակ՝ եթե մոտակայքում չկա հատուկ ապաստարան կամ որևէ շենք, պառկեք գետնին և ձեռքերը դրեք գլխին։

Ավտոմեքենայում – կանգնեցրեք, դուրս եկեք մեքենայից և մտեք մոտակա շենք կամ ապաստարան։ Եթե մոտակայքում շենք կամ ապաստարան չկա, դուրս եկեք մեքենայից, պառկեք և ձեռքերը դրեք գլխին։

Անթույլատրելի է կանգ առնել շենքի մուտքի մոտ կամ շքամուտքերում։

Այլ հրահանգի բացակայության դեպքում կարող եք լքել շենքը տագնապի ազդանշանի ավարտից 10 րոպե անց։

Կտրականապես արգելվում է մոտենալ վայր ընկած հրթիռին կամ այլ օբյեկտին։ Այս դեպքում քաղաքացիներին կոչ է արվում չմոտենալ օբյեկտին/վայր ընկած հրթիռին և տեղեկացնել ոստիկանությանը։

Տուրիստական նպատակով Իսրայելում գտնվող անձինք պետք է ձեռնպահ մնան հյուրանոցից դուրս գալուց և էքսկուրսիաներից։

• Հետևեք տեղական մեդիային՝ հետագա հրահանգների ստացման համար։ Անվտանգության վերաբերյալ լրացուցիչ տեղեկատվություն հնարավոր է ստանալ Իսրայելի Պաշտպանության Բանակի Ներքին ճակատի հրամանատարության կայքից՝ https://www.oref.org.il/eng/articles/info/iron-swords/1107/ (միայն Իսրայելում գործող սարքերում)

• Անվտանգության վերաբերյալ թարմ/այլընտրանքային վերջին տեղեկատվության համար հետևեք դեսպանատան կայքերին և ֆեյսբուքյան էջին՝ https://israel.mfa.gov.ge/ https://www.facebook.com/GeorgiainIsrael?locale=ka_GE

• Եղեք զգոն ձեր շրջապատում։

• Խուսափեք բոլոր ցույցերից և մեծ հավաքներից։

• Խուսափեք այն վայրերից, որտեղ ոստիկանությունը մեծ թվով է ներկայացված։

• Հետևեք տեղական իշխանությունների հրահանգներին։

Անհրաժեշտության դեպքում կարող եք կապ հաստատել Իսրայելում Վրաստանի դեսպանատան հետ՝ հետևյալ հեռախոսահամարներով՝ +972 526 919092 (թեժ գիծ՝ 24/7) կամ +972 3 609 3206