Այսօր՝ Ախալքալաքի և գյուղերի շատ երիտասարդ բնակիչների համար Երեխաների պաշտպանության միջազգային օրը, զվարճալի և գունագեղ էր, ծնողները ոչինչ չխնայեցին, որպեսզի իրենց երեխաների համար տոնը հաջողված լինի։ Հիմնական միջոցառումները տեղի ունեցան քաղաքի կենտրոնական զբոսայգում։
Կենտրոնական զբոսայգին լի էր մարդկանցով։ Հատուկ այս տոնի համար կազմակերպված ժամանակավոր տաղավարների մոտ՝ գունագեղ փուչիկներով, խաղալիքներով և տարբեր զվարճանքներով, միշտ հերթեր էին։ Զբոսայգու տարբեր վայրերում տարբեր կազմակերպությունների երիտասարդ կամավորները նկարում էին երեխաների դեմքերին։
Սուրբ Խաչ եկեղեցում կիրակնօրյա պատարագի ժամանակ եկեղեցու հոգևոր հովիվները օրհնեցին երեխաներին։
Բեմի վրա տեղի ունեցավ համերգ, որին հանդես եկան երեխաները, թիվ 1 մանկապարտեզի սաները, «Ջավախք» անսամբլի փոքրիկների խմբերը և պարային խմբերը գյուղերից։ Ախալքալաքի «Ապագայի տան» սաները նույնպես ելույթ ունեցան կրակոտ պարով՝ անիմատորների հագուստներով։
Ապագայի տան սաները, հագնված անիմատորների զգեստները, ուրախացրին և զվարճացրին երեխաներին։
«Պույ-Պույ» տիկնիկային թատրոնը ներկայացրեց Թումանյանի «Չարի վերջը» ներկայացումը։
Ախալքալաքի արվեստի դպրոցը կազմակերպել էր իր աշակերտների նկարների ցուցահանդես:
Ամալյան այսօր դարձավ մեկ տարեկան, նա նշեց իր ծննդյան օրը զբոսայգում։
Նրանք քույր-եղբայր Սարգիսն ու Նանեն են, Սարգիսը նշում է իր առաջին Երեխաների պաշտպանության օրը։
Այգում զվարճանքին զուգահեռ, ավելի քան 80 ընտանիքների երեխաներ նվերներ ստացան Ապագայի տանը։ Համաձայն հաստատված ավանդույթի՝ «Կարմիր խաչ» կազմակերպությունը հունիսի 1-ին Ախալքալաքի մունիցիպալիտետ է ուղարկում երեխաների համար նվերներ: Ախալքալաքի քաղաքապետարանը կազմակերպում է դրանց բաժանումը:
«Քանի որ նվերները շատ չէին, մենք որոշեցինք, որ այն կստանան այն ընտանիքները, որոնք պատկանում են երկու կամ ավելի սոցիալական խմբերի, դրանք են սոցիալապես անապահովները, ծնողազուրկները, սահմանափակ կարողություններ ունեցող երեխաները, բազմազավակ ընտանիքներից երեխաները և այլն», — ասաց քաղաքապետարանի աշխատակազմի առողջապահության և սոցիալական աջակցության վարչության պետ Անահիտ Յորդանյանը։
