Մայիսի 26-ին՝ Վրաստանի անկախության օրը, Ախալքալաքում տեղի կունենա մեծամասշտաբ տոնակատարություն։ Միջոցառումը կազմակերպվել է Վրաստանի հաշտեցման և քաղաքացիական հավասարության հարցերով պետական նախարարի գրասենյակի կողմից՝ Ախալքալաքի մունիցիպալիտետի աջակցությամբ։

Ախալքալաքում Վրաստանի անկախության օրը կանցկացվեն տարբեր տոնական միջոցառումներ, թե՛ երեխաների, թե՛ մեծահասակների համար: Հայտնի խմբերն ու տեղի համույթները հանդես կգան տարբեր համարներով։ Տոնը կսկսվի փողային նվագախմբի շքերթով։

Անկախության օրվա միջոցառումների ծրագիրը հետևյալն է.

12:00 – ռազմական տեխնիկայի ցուցադրություն;

12:00-18:00 – տեղի ձեռնարկատերերի ապրանքների ցուցահանդես-վաճառք։

12:00-18:00 – սննդի գոտի;

12:00-18:00 – «Վրացերենը միավորում է մեզ» ցուցահանդես;

12:00-18:00 – մանկական ժամանցի գոտիներ և միջոցառումներ՝ հեքիաթային հերոսների ժամանցային ծրագիր, ակվագրիմ, նկարչության դասընթացներ, հսկա շախմատ, ծաղկեպսակների հյուսում։

14:00 – անիմացիոն պարային խաղ;

15:00 – տեղի պարային համույթների, խմբերի և կատարողների համերգ;

16:30 – օճառե պղպջակների շոու;

16:45 – մանկական ժամանցային ծրագիր հեքիաթային հերոսների մասնակցությամբ։

17:10 – «Մձլևարի» անսամբլը կկատարի Վրաստանի պետական օրհներգը, որին կհաջորդի 17:15-ին գալա համերգ՝ «Փողոցային երաժիշտներ» անսամբլի և «Ֆորտե» անսամբլի մասնակցությամբ, կատարողներ՝ Թիկա Ջամբուրիա և Իրինա Բայրամաշվիլի։

Միջոցառումներն Ախալքալաքում անցկացվում են Հաշտեցման և քաղաքացիական հավասարության նախարարի գրասենյակի կազմակերպմամբ։