Հեռուստատեսային գովազդից ստացված եկամտի ամենամեծ մասնաբաժինը 2025 թվականի առաջին եռամսյակում ստացել է կառավարամետ «Իմեդի» հեռուստաընկերությունը, որի եկամուտը նախորդ տարվա նույն ժամանակահատվածի համեմատ աճել է 0.8 միլիոն լարիով՝ հասնելով 6.1 միլիոն լարիի, հայտնել է Կապի հանձնաժողովը մայիսի 16-ին: Ամենաբարձր եկամուտներ ունեցող երեք հեռուստաալիքներն են «Իմեդին», «Ռուսթավի 2»-ը և «POSTV»-ն՝ երեքն էլ համարվում են կառավարամետ հեռուստաալիքներ:

«Իմեդի»-ին հաջորդում է «Ռուսթավի 2» մեդիա հոլդինգը, որի առևտրային եկամուտները մնացել են անփոփոխ և կազմել 1.8 միլիոն լարի։ Մեկ այլ կառավարական քարոզչական ալիքի՝ POSTV-ի եկամուտն աճել է 0.2 միլիոն լարիով և հասել 1.7 միլիոն լարիի։

Ինչ վերաբերում է ընդդիմադիր հեռարձակողներին, ապա Formula TV-ի առևտրային եկամուտը նախորդ տարվա նույն ժամանակահատվածի համեմատ աճել է 0.8 միլիոն լարիով և առաջին եռամսյակում հասել 1.5 միլիոն լարիի։ «Պիրվելի» հեռուստաընկերությունը ստացել է 0.4 միլիոն լարի ավելի, իսկ գովազդից ստացված ընդհանուր եկամուտը կազմել է 1.2 միլիոն լարի։

Ինչ վերաբերում է bm.ge-ին և GDS-ին, ապա նրանց առևտրային եկամուտները մնացել են անփոփոխ, մասնավորապես՝ bm.ge-ի դեպքում դրանք կազմել են 0.8 միլիոն լարի, իսկ GDS-ի դեպքում՝ նախկինի պես 0.4 միլիոն լարի։

Հանրային հեռարձակողի գովազդային եկամուտները նույնպես աճել են 0.3 միլիոն լարիով՝ այս տարվա առաջին եռամսյակում հասնելով 0.4 միլիոն լարիի: Բացի այդ, «Silknet»-ի եկամուտները կրկնապատկվել են և կազմել են 0.2 միլիոն լարի։ Palitranews-ի դեպքում առևտրային եկամուտը մնացել է անփոփոխ՝ 0.1 միլիոն լարի։

Ընդհանուր առմամբ, 2025 թվականի առաջին եռամսյակում հեռուստառադիոհեռարձակողների առևտրային գովազդից ստացված ընդհանուր եկամուտն աճել է 5%-ով և կազմել 16.4 միլիոն լարի։ Միայն հեռուստաալիքների դեպքում առևտրային գովազդից ստացված գումարը 5.7%-ով ավելի էր և կազմել է ընդհանուր հաշվով 14.8 միլիոն։

Հեռուստաալիքների գովազդային եկամուտների հիմնական մասնաբառժինը՝ 74%-ը, ստացվել է ուղղակի գովազդից, 14.8%-ը՝ հովանավորականից և 10.8%-ը՝ փրոդաքթ-փլեյսմենթից։ Ռադիոհեռարձակողների գովազդային եկամուտները 2024 թվականի նույն ժամանակահատվածի համեմատ աճել են 1.1%-ով և կազմել 1.7 միլիոն լարի, որից 89%-ը ստացվել է ուղղակի գովազդից, իսկ մնացած 11%-ը՝ հովանավորությունից։

Սակայն, գովազդային տենդենցներից զատ, մեդիա տիրույթում իրավիճակը մնում է բավականին լարված։

Ընդդիմադիր «Մթավարի» հեռուստաընկերությունը դադարեցրել է հեռարձակումը մայիսի 1-ին: Նախկինում հեռուստաալիքը փետրվարի 15-ից անջատված էր և հեռարձակում էր միայն սերիալներ և կրկնություններ: Վերջին ամիսներին «Մթավարի Արխիում» լարվածություն և հակասություններ էին առաջացել։ Հեռուստաալիքը և դրա գործադիր տնօրեն Գիորգի Գաբունիան մեղադրեում էին գլխավոր համահիմնադիրներից մեկին՝ Զազա Օքուաշվիլիին, հեռուստաալիքը փակելու փորձի և «Վրացական երազանքի» շահերը պաշտպանելու մեջ։

Փետրվարի 24-ին «Վրացական երազանքը» կատարեց երկու վիճահարույց փոփոխություն «Հեռարձակման մասին» օրենքում։ Մեկը արգելում է աուդիովիզուալ ԶԼՄ-ների արտաքին ֆինանսավորումը, մինչդեռ մյուսը Հաղորդակցության հանձնաժողովին տալիս է հեռարձակվող բովանդակությունը կարգավորելու նոր լիազորություններ՝ փաստացի վերջ դնելով լրատվամիջոցների ինքնակարգավորմանը։

Կարդալ ավելին bizzone.info-ում