Վրաստան պանրի և կաթնաշոռի ներմուծումն աճել է գրեթե 23%-ով։ Ազգային վիճակագրական ծառայության տվյալներով՝ անցյալ տարվա հունվար-մարտ ամիսներին երկիր է ներմուծվել 1364 տոննա պանիր և կաթնաշոռ (6.88 միլիոն դոլար արժողությամբ), իսկ 2025 թվականի նույն ժամանակահատվածում՝ 1673 տոննա (8.7 միլիոն դոլար արժողությամբ):
2025 թվականի առաջին երեք ամիսներին Վրաստանը վերը նշված ապրանքները հիմնականում գնել է հետևյալ 5 երկրներից՝
- Թուրքիա՝ 394 տոննա, 1.4 մլն ԱՄՆ դոլար արժողությամբ,
- Գերմանիա՝ 230 տոննա, 1.37 միլիոն ԱՄՆ դոլար արժողությամբ,
- Ռուսաստան՝ 228 տոննա, 941 հազար ԱՄՆ դոլար արժողությամբ,
- Լեհաստան՝ 192 տոննա, 1.1 միլիոն ԱՄՆ դոլար արժողությամբ,
- Նիդեռլանդներ՝ 95 տոննա, 636 հազար ԱՄՆ դոլար արժողությամբ։
Հարկ է նշել նաև, որ այս տարի ավելացել է ներմուծված վրացական պանիրների և կաթնաշոռի գինը։ Անցյալ տարի 1 կգ-ի ներմուծման միջին գինը 5 դոլար էր, սակայն այս տարի հարկերը չհաշված արժեքը բարձրացել է մինչև 5.2 դոլար։
Ինչ վերաբերում է վրացական պանրի արտահանմանը, ապա այն հաշվետու ժամանակահատվածում աճել է մոտ 15%-ով։ Մասնավորապես, անցյալ տարի արտահանվել է 12.4 տոննա վրացական պանիր և կաթնաշոռ՝ 146 հազար դոլար արժողությամբ, իսկ այս տարի հունվար-մարտ ամիսներին՝ 14.2 տոննա, 165.6 հազար դոլար արժողությամբ։
Անցյալ տարի վրացական պանրի և կաթնաշոռի 1 կգ-ի արտահանման գինը՝ առանց հարկերի, կազմում էր 11.8 դոլար, սակայն այս տարի գինը փոքր-ինչ նվազել է՝ հասնելով 11.7 դոլարի։
2025 թվականի հունվար-մարտ ամիսներին վրացական պանիրը և կաթնաշոռն արտահանվել է չորս երկիր, մասնավորապես՝
- ԱՄՆ՝ 11.24 տոննա, 122.710 ԱՄՆ դոլար արժողությամբ,
- Կանադա՝ 1.98 տոննա, 27.470 ԱՄՆ դոլարով,
- Միացյալ Արաբական Էմիրություններ՝ 900 կգ, 14.180 ԱՄՆ դոլարի չափով,
- Քուվեյթ՝ 70 կգ, 1340 ԱՄՆ դոլարի չափով։
