Այսօր, 23:00-ին, կկայանա «Եվրատեսիլ 2025»-ի առաջին կիսաեզրափակիչը։

Հեռուստադիտողի առաջ ելույթ կունենան 15 երկրի ներկայացուցիչներ՝ Իսլանդիա, Լեհաստան, Սլովենիա, Էստոնիա, Ուկրաինա, Շվեդիա, Պորտուգալիա, Նորվեգիա, Բելգիա, Իտալիա, Ադրբեջան, Սան Մարինո, Ալբանիա, Նիդեռլանդներ, Խորվաթիա և Կիպրոս։ Նրանցից միայն 10 երկիր կանցնի եզրափակիչ փուլ։

Բեմում ելույթ կունենան նաև «Մեծ հնգյակի» անդամ երկու երկիր՝ Իտալիան և Իսպանիան, ինչպես նաև հյուրընկալող Շվեյցարիան։

Հիշեցնենք, որ Վրաստանի ներկայացուցիչ Մարիամ Շենգելիան հանդես կգա մայիսի 15-ին՝ «Եվրատեսիլ 2025»-ի երկրորդ կիսաեզրափակիչում՝ 10-րդ համարի ներքո։

Այս տարվա մրցույթը անցկացվում է Շվեյցարիայի Բազել քաղաքում։ Ուղիղ հեռարձակումը, ինչպես միշտ, առաջարկում է Վրաստանի Առաջին ալիքը, և հնարավոր կլինի դիտել նաև 1TVPLAY հարթակում։

Մրցույթի կանոնների համաձայն՝ հնարավոր չէ քվեարկել սեփական երկրի օգտին։

«Եվրատեսիլ 2025»-ի հաղորդավարները կլինեն Հեզել Բրուգերը և Միշել Հունցիկերը, ովքեր կվարեն կիսաեզրափակիչները մայիսի 13-ին և 15-ին, իսկ եզրափակչի ընթացքում նրանց կմիանա Սանդրա Շտուդերը։

Այս տարի մրցույթին մասնակցում է 37 երկիր։ Այն անցկացվում է St. Jakobshalle սրահում, որը կարող է տեղավորել ավելի քան 12,000 հանդիսատես։