Ախալքալաքի ավտոկայանն արդեն մաքրվում է Ախալքալաքի սպասարկման կենտրոնի կողմից։ Ավտոկայանի անմխիթար վիճակի մասին Jnews-ի հոդվածից հետո, նրա սեփականատերը պայմանագիր կնքեց Սպասարկման կենտրոնի հետ, որպեսզի վերջինս մաքրի տարածքը։
Ախալքալաքի Սպասարկման կենտրոնը շաբաթօրյակ անցկացրեց Ախալքալաքի ավտոկայանի տարածքում, աշխատողները մաքրեցին այնտեղ կուտակված ողջ աղբը, ինչպես նաև տեղադրեցին աղբաման։
Աղբը հեռացվել է տեխնիկայի միջոցով։
Ախալքալաքի ավտոկայանի տարածքում տիրող աղբի մասին Jnews-ի՝ Ախալքալաքի ավտոկայանի տարածքն աղբով լեցուն է հոդվածի հրապարակումից հետո ավտոկայանի սեփականատերը, տարածքը մաքրելու համար, Սպասարկման կենտրոնի հետ պայմանագիր կնքեց։
Ախալքալաքի Սպասարկման կենտրոնի տնօրեն Մխիթար Ռստակյանի խոսքով, ավտոկայանից աղբահանությունը դադարեցվել էր մի քանի տարի առաջ և վերսկսվեց այս տարի։
Այժմ ավտոկայանի տարածքը նկատելիորեն ավելի մաքուր է դարձել, և, կողմերի հավաստիացումների համաձայն, մաքրումը կիրականացվի կանոնավոր կերպով։
