Վրաստանում կյանքի տևողությունը կանանց համար կազմում է 74.9 տարի, իսկ տղամարդկանց համար՝ 70.5 տարի։ Այս մասին ասվում է Վրաստանի բնակչության վերաբերյալ Ազգային վիճակագրական ծառայության կողմից հրապարակված թարմացված տվյալներում։
Մասնավորապես, պաշտոնական տվյալների համաձայն` երկրում կյանքի տևողությունը 2024 թվականին մնացել է գործնականում անփոփոխ և կազմել է 74.9 տարի, այդ թվում՝ տղամարդկանց համար՝ 70.5 տարի, իսկ կանանց համար՝ 79.3 տարի։
Հիշեցնենք, որ Վրաստանի վիճակագրական ծառայության տվյալներով՝ 2025 թվականի հունվարի 1-ի դրությամբ Վրաստանի բնակչությունը կազմել է 3 704 500 մարդ, ինչը 9,9 հազար հոգով ավելի է, քան նախորդ տարվա նույն ժամանակահատվածում։
Ավելին, 2025 թվականի հունվարի 1-ի դրությամբ տղամարդկանց թիվը կազմել է 1 780 600 մարդ, իսկ կանանցը՝ 1 923 900 մարդ։ Նրանցից Վրաստանի բնակչության 48 տոկոսը տղամարդիկ են, իսկ 52 տոկոսը՝ կանայք։
Տեղեկատվության համար՝ կյանքի սպասվող տևողությունը դա այն տարիների թիվն է, որը կապրի ծնունդների սերնդի միջին վիճակագրական մարդը՝ այն պայմանով, որ մահացության մակարդակը յուրաքանչյուր տարիքում մնա նույնը, ինչպես որոշակի ժամանակահատվածում:
