Ախալցիխեում՝ ապրիլի 9-ի փողոցում, երկու հոգի են հայտնաբերել բնակարանում, որոնք ենթադրաբար սպանվել են հրազենից։ Նախաքննությունը շարունակվում է «Դիտավորյալ սպանություն» հոդվածով։ Այս մասին հայտնում են տեղական լրատվամիջոցները։

TOK TV-ի հետ զրույցում հարևանները նշել են, որ սպանությունը, ամենայն հավանականությամբ, տեղի է ունեցել ապրիլի 30-ին, սակայն կրակոցների ձայն կամ այլ աղմուկ չեն լսել։

Ներքին գործերի նախարարությունը հետաքննություն է սկսել Վրաստանի Քրեական օրենսգրքի 109-րդ հոդվածով, որը ենթադրում է երկու կամ ավելի անձանց դիտավորյալ սպանություն։