Սամեգրելոյի ոստիկանությունը բերման է ենթարկել մորն ու տատիկին՝ անչափահասի նկատմամբ խմբակային ընտանեկան բռնության մեղադրանքով։
Քննության տվյալներով՝ մայրն ու տատիկը ֆիզիկական բռնության են ենթարկել 7-ամյա երեխային, ինչի հետևանքով անչափահասը մարմնի տարբեր հատվածներում ստացել է բազմաթիվ վնասվածքներ։
Հանցագործությունը նախատեսում է մինչև 3 տարի ազատազրկում։
«ՆԳՆ Սամեգրելո-Զեմո Սվանեթիի ոստիկանության բաժնի ծառայողների օպերատիվ-հետախուզական միջոցառումների արդյունքում նախնական համաձայնությամբ բերման են ենթարկվել երկու անձ՝ 1981 թվականին ծնված Ն.Կ.-ն և 1955 թվականին ծնված Ա.Կ.-ն՝ ընտանիքում անչափահասի նկատմամբ բռնություն գործադրելու մեղադրանքով։
Հանցագործությունը նախատեսում է մինչև 3 տարի ազատազրկում։
Քննությամբ պարզվել է, որ մայրն ու տատիկը ֆիզիկական բռնության են ենթարկել անչափահասին, որը ծնվել է 2017թ.
Բռնության հետեւանքով անչափահասը մարմնի տարբեր հատվածներում բազմաթիվ վնասվածքներ է ստացել։
Իրավապահները երկու մեղադրյալներին էլ բերման են ենթարկել կատարված քննչական գործողությունների արդյունքում։
Նախաքննությունը տարվում է Քրեական օրենսգրքի 126-րդ հոդվածի 2-րդ մասի «ա» և «դ» ենթակետերով, ինչը ենթադրում է նախնական համաձայնությամբ ընտանիքում խմբակային բռնություն անչափահասի նկատմամբ»,- ասվում է հաղորդագրության մեջ։
