Ախալքալաքում, Աղմաշենեբելիի փողոցում կառուցվում է ջրահեռացման ջրանցք: Աշխատանքների մրցույթը կայացել է։

Մրցույթը հաղթել է անհատ ձեռներեց Դայանա Մանուկյանը՝  26 199,47 լարիով:

Պայմանագրով աշխատանքները նախատեսված է սկսել և ավարտել՝  2025 թվականի ապրիլի 15-ից մինչև մայիսի 25-ը՝ 40 օրացուցային օրվա ընթացքում:

Երաշխիքային ժամկետը 2 (երկու) տարի է՝ վերջնական ընդունման-փոխանցման ակտի ստորագրման պահից:

Հարկ է նշել, որ սա արդեն երկրորդ մրցույթն է,  առաջին մրցույթը  չէր կայացել մասնակիցների բացակայության պատճառով։

Ախալքալաքի մունիցիպալիտետի քաղաքապետարանի ենթակառուցվածքների, ճարտարապետության և շինարարության ծառայության պետ Արա Մովսիսյանի խոսքով, ջրանցքը կմաքրվի, ինչպես նաև կբետոնապատվի ճանապարհի եզրը։