Ախալքալաք-Կարծախ միջպետական ավտոճանապարհի վերանորոգման փոխարեն հարթեցման աշխատանքներ են իրականացվել։ Աշխատանքներն իրականացվել են մեկ շաբաթ առաջ։ Տվյալ ճանապարհի կառուցման համար էլեկտրոնային մրցույթը հայտարարել է Ճանապարհային վարչությունը, որը հաղթել է «Ջավախավտոգզա» ընկերությունը, սակայն պայմանագիրը դեռ չի կնքվել։
Jnews-ը բազմիցս անդրադարձել է Ախալքալաք-Կարծախ միջպետական ճանապարհի անմխիթար վիճակին։
Ախալքալաքի մունիցիպալիտետի քաղաքապետարանի ենթակառուցվածքների, ճարտարապետության և շինարարության ծառայության պետ Արա Մովսիսյանի խոսքով, Վրաստանի խորհրդարանի պատգամավոր Սամվել Մանուկյանն ու քաղաքապետ Մելքոն Մակարյանը դիմել են Ճանապարհային վարչությանը, որպեսզի մինչև ճանապարհի վերանորոգումը հարթեցման-փոսալցման աշխատանքներ իրականացվեն տվյալ ճանապարահատվածում։
Հիշեցնենք, որ Ախալքալաք-Կարծախ միջպետական ավտոճանապարհի վերակառուցման համար երկու մրցույթ է կայացել։ Երկուսն էլ հաղթել է «Ջավախավտոգզա» ընկերությունը: Վերանորոգման աշխատանքներ կիրականացվեն հետևյալ հատվածներում՝ միջազգային ավտոճանապարհի կմ3-կմ7,8 և կմ8,8-կմ16:
Առաջին մրցույթը ընկերությունը հաղթել է 2 772 000.00 լարիով, իսկ երկրորդ մրցույթը՝ 4 488 000.00 լարիով:
Կարդացեք նաև՝
