Այսօր՝ ապրիլի 20-ին, Հարության տոնական պատարագին, Ախալքալաքի Սուրբ Խաչ եկեղեցի բերեցին Երուսաղեմի Սրբազան կրակը, որը Երուսաղեմից բերել էին Նինոծմինդայի Սուրբ Սարգիս եկեղեցու քահանա Տեր Արմաշ Պողոսյանը և եկեղեցու խաչքավոր Վարազդատ Մարաբյանը։

Երեկ երեկոյան Տեր Արմաշ Պողոսյանն ու Վարազդատ Մարաբյանը Երուսաղեմից Նինոծմինդա էին բերել Սրբազան կրակը Հիսուս Քրիստոսի գերեզմանից։ Իսկ այսօր այն հասցվեց Ախալքալաք։

Պատարագի ավարտին հավատացյալներին հնարավորություն տրվեց կրակը տանել իրենց տները։