Ավճալա բնակավայրում 13-ամյա տղան ընկել է վերելակի հորանը: Ըստ առկա տեղեկությունների՝ դեպքը տեղի է ունեցել Տիտանիկ անունով հայտնի բնակելի շենքի մեջ։

Դեռահասին տեղափոխել են Իաշվիլիի կլինիկա, սակայն տղային փրկել չի հաջողվել։ Դեռահասի մահվան փաստը InterpressNews-ին հաստատել են կլինիկայում։

Ի գիտություն, Տիտանիկի շենքը ինը հարկանի վթարային բնակելի շենք է։ Ինչպես հայտնի է, տարիներ առաջ ստորերկրյա ջրերից վնասվել էր շենքի հիմքը, ինչի հետևանքով շենքի մի մասը ճեղք էր տվել, իսկ մուտքը փլուզվել էր։ ԶԼՄ-ների տեղեկություններով՝ շենքի բնակիչները տարիներ շարունակ օգնություն են խնդրում։