Մզիա Ամագլոբելիի բողոքը Ստրասբուրգի դատարան կուղարկվի մոտ ապագայում, հայտարարել է նրա փաստաբան Մայա Մցարիաշվիլին Բաթումիի քաղաքային դատարանում, որտեղ ընթանում է Batumelebi և Netgazeti հրատարակությունների հիմնադիր Մզիա Ամագլոբելիի դատավարությունը։
«Չնայած այն հանգամանքին, որ գործի էության քննությունը միայն հիմա է սկսվում, Մզիա Ամագլոբելիի բողոքը Ստրասբուրգի դատարան կուղարկվի մոտ ապագայում։
Այս դեպքում խոսքը գնում է բազմաթիվ հանգամանքների մասին, որոնցից պարզ է դառնում, թե ինչպես է համակարգը իր բազմաթիվ ճյուղերի մասնակցությամբ աշխատում Մզիա Ամագլոբելիի դեմ, որպեսզի նա մնա պատանդ ու բանտարկյալ։
Բաթումիի դատարանը, սկսած առաջին դատավարությունից և ներառյալ այս դատավարությունից, աշխատում է պաշտպանական կողմին ապացույցներից և դատավարական միջոցներից զրկելու ուղղությամբ, որոնց հիման վրա մենք կարող ենք ապացուցել, որ մեղադրանքը մանիպուլյատիվ է և արդարադատության հետ կապ չունի»,- նշեց փաստաբանը։
