«Նպատակին հասնելու համար փողոցային բողոքի ակցիաների հետ մեկտեղ անհրաժեշտ է նաև քաղաքական ձևաչափ, ուստի ես հրապարակայնորեն հայտարարում եմ, որ պետք է ստեղծվի Դիմադրության հարթակ՝ եվրոպամետ քաղաքական սպեկտրի մասնակցությամբ», — Ռուսթավելիի պողոտայում հանրահավաքի ժամանակ հայտարարել է Վրաստանի նախկին նախագահ Սալոմե Զուրաբիշվիլին։
Զուրաբիշվիլիի խոսքով՝ հարթակի անդամները պետք է մի կողմ դնեն քաղաքական տարակարծությունները և միասին պայքարեն։
«Հիմնական սկզբունքն այն է, որ հարթակը բաց է բոլոր եվրոպամետ կուսակցությունների և խմբերի համար, որոնք պատրաստ են մի կողմ թողնել քաղաքական տարակարծությունները և լիովին կիսեն բողոքի երկու հիմնական նպատակները՝ նշանակել նոր արդար ընտրություններ և ազատ արձակել խղճի բանտարկյալներին։ Այս նպատակներին հասնելու համար Դիմադրության հարթակը համաձայնում է համակարգել քաղաքական դիրքորոշումները՝ համակարգված և արդյունավետ կերպով բացահայտելու և դիմակայելու ռեժիմին, նրա գործողություններին և դիմակայելու ռեժիմի փորձերին՝ ոչնչացնելու Վրաստանի զարգացման և նրա եվրոպական ապագայի բոլոր հեռանկարները», — ասել է Զուրաբիշվիլին։
