2024 թվականին Ախալքալաքի մունիցիպալիտետում ենթակառուցվածքային և այլ աշխատանքների համար տարածաշրջանային հիմնադրամից և տեղական բյուջեից ծախսվել է 24 409 826 լարի։ Տարածաշրջանային հիմնադրամի բաժինը կազմում է 13 775 784 լարի, իսկ տեղական բյուջեինը՝ 10 634 042 լարի։

Ըստ Ախալքալաքի մունիցիպալիտետի քաղաքապետարանի ենթակառուցվածքների, ճարտարապետության և շինարարության ծառայության տեղեկությունների, 2024 թվականին իրականացվել է 63 ծրագիր, որոնց ընդհանուր արժեքը կազմում է 24 409 826 լարի։ Իրականացված աշխատանքներից 55 -ը ֆինանսավորվել է տեղական բյուջեից, ընդհանուրը 10 634 042 լարիի չափով, իսկ 8 աշխատանք, որոնց արժեքը կազմում է 13 775 784 լարի, ֆինանսավորվել է տարածաշրջանային հիմնադրամից։ Դրանք հիմնականում ճանապարհաշինական աշխատանքներ են։

Տեղական բյուջեի և տարածաշրջանային հիմնադրամի միջոցներով Ախալքալաքի մունիցիպալիտետում կառուցվել և վերականգնվել են՝

• 12 ճանապարհ, ընդհանուր երկարությունը՝ 30.4 կմ, արժեքը՝ 16 616 589 լարի
• 4 ջրախողովակային գիծ՝ 230 662 լարի
• 2 մանկապարտեզ՝ 755 006 լարի
• 1 կամուրջ՝ 401 000 լարի
• Լուսավորություն՝ 196 666 լարի
• 1 ջրահեռացման ջրանցք՝ 26 200 լարի
• 14 սպորտային օբյեկտ՝ 1 760 438 լարի
• 3 մշակութային օբյեկտ՝ 268 974 լարի
• 12 շենք (ներառյալ վարչականները)՝ 810 663 լարի
• 5 զբոսայգի և պուրակ՝ 1 047 499 լարի
• 6 այլ աշխատանք՝ 602 123 լարի։

Ի սկզբանե հրապարակված նյութը փոփոխության է ենթարկվել, մասնավորապես ավարտված նախագծերի անվանումներով բաժինը կրճատվել է, քանի որ որոշ աշխատանքներ  չեն ավարտվել, այլ կատարվել են որոշակի տոկոսով, ինչը նշված է քաղաքապետարանի տեղեկատվության մեջ։ Jnews-ը փոփոխությունները  կատարել է, որպեսզի չշփոթեցնի իր ընթերցողներին տոկոսների ճշտմամբ։