Վրաստանում մարտի 3–ին նշում են Մայրերի օրը: Դա պետական տոն է և ոչ աշխատանքային օր:
Ավանդաբար այս օրը ծաղիկներ են նվիրում մայրերին, անցկացնում թեմատիկ միջոցառումներ, մրցանակներ հանձնում վաստակավոր և բազմազավակ կանանց։
Մայրերի օրը սահմանվել է 1991 թվականին Վրաստանի առաջին նախագահ Զվիադ Գամսախուրդիայի նախաձեռնությամբ։ Այս տոնը պետք է փոխարիներ կանանց միջազգային օրվան, քանի որ այդ ժամանակ մարտի 8-ի տոնակատարությունը չեղյալ էր հայտարարվել։
Որոշ ժամանակ անց, արդեն Էդուարդ Շևարդնաձեի նախագահության օրոք, Վրաստանում մարտի 8-ին վերադարձրել են տոնի կարգավիճակը՝ որպես Կանանց միջազգային օր։ Արդյունքում Այդ ժամանակվանից Վրաստանում նշում են և մարտի 3-ը, և 8-ը։
