Ազգային վիճակագրական ծառայության տվյալներով՝ 2024 թվականի չորրորդ եռամսյակում Վրաստանում 15 և բարձր տարիքի տեղացի այցելուների միջին ամսական թիվը կազմել է 1315,5 հազար մարդ, իսկ երկրի տարբեր վայրեր նրանց այցելությունների միջին ամսական թիվը՝ 1540,6 հազար։
Նշված ժամանակահատվածում այցելուների միջին ամսական թիվն աճել է 5,6%-ով, սակայն նրանց կողմից կատարված այցելությունների թիվը նախորդ տարվա նույն ժամանակահատվածի համեմատ 2,1%-ով պակաս է։
Ըստ «Սաքստատ»-ի՝ 2024 թվականի չորրորդ եռամսյակում Վրաստանի բնակիչների կողմից երկրի ներսում կատարված զբոսաշրջային այցելությունների միջին ամսական թիվը կազմել է 672,5 հազար, ինչը 2,1 տոկոսով ավելի է նախորդ տարվա նույն ժամանակահատվածի համեմատ։ Այցելուների մեծամասնությունը (37,1%) եղել է 31-50 տարիքային կատեգորիայում, իսկ կանայք կազմել են այցելուների ընդհանուր թվի 54,8%-ը։
Հետազոտության արդյունքների համաձայն՝ այցելուների 38,1%-ը Թբիլիսիի բնակիչներ են, 14,5%-ը՝ Իմերեթիի, Ռաճա-Լեչխումիի և Քվեմո Սվանեթիի շրջաններից, 9,4%-ը՝ Քվեմո Քարթլիի շրջանից, իսկ մնացած մարզերը ներկայացված են համեմատաբար ավելի փոքր մասնաբաժնով։ 2024 թվականի չորրորդ եռամսյակում այցելությունների մեծ մասը (54.0%) կատարվել է ընկերներին կամ հարազատներին տեսակցելու նպատակով։
Ամենաշատ այցելությունները գրանցվել են Թբիլիսիում` ամսական միջինը 376,5 հազար, ինչպես նաև Իմերեթի շրջանում` ամսական միջինը 324,5 հազար:
Ըստ «Սաքստատ»-ի հաշվետվության՝ 2024 թվականի չորրորդ եռամսյակում ընդհանուր միջին ամսական ճանապարհածախսը կազմել է 259.0 մլն լարի, ինչը 3.2%-ով պակաս է նախորդ տարվա նույն ժամանակահատվածի համեմատ։ Միաժամանակ մեկ այցելության միջին ծախսերը նվազել են 1,1%-ով և կազմել 168,1 լարի։
