Վրաստանում փետրվարի 28-ից մարտի 2-ը սպասվում են սաստիկ սառնամանիքներ։ Տեղեկությունը հայտնում է Շրջակա միջավայրի ազգային գործակալությունը։

«Փետրվարի 28-ի և մարտի 1-2-ի գիշերը Վրաստանում սպասվում է օդի ջերմաստիճանի զգալի անկում»,- ասված է գերատեսչության հաղորդագրության մեջ։

Վրաստանի ցածրադիր գոտիներում ջերմաստիճանը կնվազի մինչև -5, -10 աստիճան։ Արևելյան Վրաստանի հարթավայրերում կլինի -7, -12։ Երկրի լեռնային շրջաններում գիշերը ջերմաստիճանը կարող է իջնել մինչև -13, -18 աստիճան: