Ախալքալաք-Կարծախ, Ախալցիխե-Նինոծմինդա, ինչպես նաև Խաշուրի-Ախալցիխե-Վալե միջազգային նշանակության ավտոճանապարհներին վերսկսվել է կցորդների և կիսակցորդների երթևեկությունը: Մցխեթա–Ստեփանծմինդա–Լարս ավտոճանապարհի Գուդաուրի(Պոստա)-Կոբի հատվածում երթևեկությունը վերականգնվել է փոքր մարդատար ավտոմեքենաների համար, իսկ կցորդների և կիսակցորդների երթևեկությունը ժամանակավորապես մնում է սահմանափակ:
Մցխեթա-Գուդաուրի և Ստեփանծմինդա-Լարս հատվածներում երթևեկությունը կիրականացվի առանց կանգառների:
Տեղեկությունը տարածում է Վրաստանի Տարածաշրջանային զարգացման և ենթակառուցվածքների նախարարության ճանապարհային վարչությունը։
