Ձյան առատ տեղումների պատճառով Լանչխութիի մունիցիպալիտետում բարդ իրավիճակ է ստեղծվել, Interpressnews գործակալության հետ զրույցում ասել է Լանչխութիի քաղաքապետ Ալեքսանդր Սարիշվիլին։
Նրա խոսքով, լրացուցիչ տեխնիկա է մոբիլիզացվել, հնարավոր է նաև բնակիչների տարհանում։
«Առատ ձյան պատճառով ծանր իրավիճակ է ստեղծվել Լանչխութի մունիցիպալիտետում, ձյունը շարունակվում է։ Մենք արդեն մոբիլիզացրել ենք լրացուցիչ տեխնիկա, որն այժմ ուղարկվում է տարբեր ուղղություններով, որպեսզի կարողանանք հնարավորինս տարհանել բնակչությանը կամ ճանապարհ հարթել դեպի բնակչություն։ Հոսանքազրկված են մի քանի վարչական միավորներներ, այդ թվում՝ Ճոճխաթին, Ղրմաղելեն և Ացանան։ Մենք արդեն տարհանել ենք բնակչության որոշակի հատվածին. ոմանք տեղավորվել են հյուրանոցներում, ոմանք բնակվում են հարազատների մոտ։ Ներկա տվյալներով՝ փլուզվել է մինչև 40 տուն։ Զոհերի մասին տեղեկություններ դեռ չկան»,- նշել է Սարիշվիլին։
Լուսանկարը՝ Jnews-ի արխիվից
