Ռուսաստանի Դաշնությունը պատրաստ է բանակցել Ուկրաինայի հարցով, սակայն ռազմական գործողությունները կդադարեցնի միայն այն դեպքում, եթե լինի ռուսական կողմին ձեռնտու արդյունք։ Այս մասին հայտարարել է ՌԴ ԱԳ նախարար Սերգեյ Լավրովը Թուրքիայի արտգործնախարար Հաքան Ֆիդանի հետ բանակցություններից հետո կայացած մամուլի ասուլիսի ժամանակ։
«Մենք պատրաստ ենք բանակցել Ուկրաինայի և Եվրոպայի հետ ցանկացած ներկայացուցիչների հետ, ովքեր բարի կամքով կցանկանան օգնել հասնել խաղաղության, բայց մենք կդադարեցնենք ռազմական գործողությունները միայն այն ժամանակ, երբ այդ բանակցությունները տան ամուր և կայուն արդյունք, որը կհամապատասխանի Ռուսաստանի Դաշնությանը», — ասել է Լավրովը։
Նրա խոսքով՝ ՌԴ նախագահ Վլադիմիր Պուտինը դա հստակ ասել է։
«Իհարկե, պետք է հաշվի առնել տեղում առկա իրողությունները»,- ընդգծել է Լավրովը։
