---

Ջավախքում գազիֆիկացումը և գազամատակարարումն իրականացնող SJGC ընկերության բաժնետոմսերի 80% նախկինում պատկանում էր Արամ Սանոսյանին, 2025 թվականից նա այլևս բաժնետոմսեր չունի: Այսօր ընկերության բաժնետոմսերի գերակշիռ մասը՝  60% պատկանում է Վիլեն Ղազարյանին:

Նյութում տրված բոլոր տվյալները վերցված են Վրաստանի Հանրային Ռեեստրի կայքից

SJGC ընկերության բաժնետոմսերը տարիների ընթացքում ունեցել են տարբեր սեփականատերեր: Իսկզբանե երեք սեփականատեր է եղել: 2010 թ.-ին, Հանրային ռեեստրի տվյալներով, Արամ Սանոսյանին է պատկանել բաժնետոմսերի 60%, նրա ընկերություն «Սատախային»՝ 20%, ՍՊԸ «Մեեկի»-ն ուներ 20%. «Մեեկի»-ի  սեփականատերերն են Մկոյանները (Մանուել Մկոյան, Մարտուն Մկոյան, Դավիթ Մկոյան):

Արամ Սանոսյանը իր բաժնետոմսերը (60%) սկսեց վաճառել 2015 թ.-ից: 10% 2015-ին և 10% 2018 թ.-ին նա վաճառել է Անդրանիկ Մկոյանին: Ինչպես նաև  2018 թ.-ին սեփական բաժնետոմսերից 20% փոխանցել է իր «Սատախա» ընկերությանը:

2018 թ.-ից մինչև 2022 թ.-ն SJGC բաժնետոմսերը բաշխված էին հետևյալ կերպ.

• 40% — ՍՊԸ «Սատախա» (ընկերության սեփականատեր՝ Արամ Սանոսյան)
• 20% — ՍՊԸ «Մեեկի» (ընկերության սեփականատերեր՝ Մանուել Մկոյան, Մարտուն Մկոյան, Դավիթ Մկոյան)
• 20% — Անդրանիկ Մկոյան
• 20% — Արամ Սանոսյան

2022 թվականի սեպտեմբերի 30-ի տվյալներով արդեն Արամ Սանոսյանի «Սատախա» ընկերության 40% բաժնետոմսերը պատկանում էին «Ծիսքվիլի Նինոծմինդա» ընկերությանը, որը իր հրթին պատկանում է  Վիլեն Ղազարյանին: Իսկ 2024 թվականի ավարտին Արամ Սանոսյանը իր 20% վաճառել է Վիլեն Ղազարյանին:

Վրաստանի Հանրային ռեեստրի 2025 թ.-ի հունվարի  8-ի տվյալներով SJGC բաժնետոմսերը բաշխված են հետևյալ կերպ.

• 20% — ՍՊԸ «Մեեկի» (ընկերության սեփականատերեր՝ Մանուել Մկոյան, Մարտուն Մկոյան, Դավիթ Մկոյան)
• 40% — ՍՊԸ «Ծիսքվիլի Նինոծմինդա» (ընկերության սեփականատեր՝ Վիլեն Ղազարյան)
• 20% — Վիլեն Ղազարյան
• 20% — Անդրանիկ Մկոյան