Վատ եղանակի պատճառով՝ Վրաստանի որոշ մանկապարտեզներում երկու օրով դադարեցվել է ուսումնական գործընթացը: Հասկանալու համար, արդյո՞ք Ախալքալաքի մունիցիպալիտետում մանկապարտեզները ևս դադարեցնում են աշխատանքը, Jnews-ը կապ հաստատեց Մանկապարտեզների միավորման տնօրեն Անահիտ Ասատուրյանի հետ։
Ախալքալաքի քաղաքապետարանում գործող մանկապարտեզներն աշխատում են սովորական ռեժիմով։ Եղանակային բարդ պայմանների և տարածված վիրուսների պատճառով, պարզապես որոշ մանակապարտեզներում երեխաների հաճախելիությունը նվազել է։
«Ախալքալաքում բոլոր մանկապարտեզներն աշխատում են իրենց բնական հունով։ Եղանակային վատ պայմաները ոչ մի խնդիր չեն առաջացրել, ուղղակի վիրուսի պատճառով, քիչ թվով երեխաներ են հաճախում մանկապարտեզ։
Ջեռուցման համակարգի հետ կապված նույնպես խնդիրներ չունենք, որտեղ գազ կա, գազով է ջեռուցվում, իսկ որտեղ չկա՝ փայտով», – ասաց Մանկապարտեզների միավորման տնօրեն Անահիտ Ասատուրյանը։
Հավելենք, որ Ախալքալաքի մունիցիպալիտետում գործում է 14 մանկապարտեզ, որից 12-ը սննդով ապահովում են, իսկ 2-ը՝ այլընտրանքային են (կես օրն են աշխատում և առանց սննդի)։
Կարդացեք նաև՝
