Հանրային իրավունքի իրավաբանական անձ Հանրային ծառայության բյուրոյի լուծարումը կիրականացվի մինչև 2025 թվականի ապրիլի 1-ը։ Համապատասխան փոփոխությունները նախաձեռնվել են փետրվարի 17-ի Բյուրոյի նիստում։
Նախագծի համաձայն՝ բյուրոյի գործառույթներն ու լիազորությունները կփոխանցվեն կառավարության վարչակազմին։
Ըստ օրենքի նախագծի՝ բյուրոյի իրավահաջորդ է համարվելու կառավարության վարչակազմը։
Բյուրոն լուծարելու նպատակով կառավարությունը օրենքն ուժի մեջ մտնելուց հետո տասնօրյա ժամկետում պետք է ստեղծի լուծարային հանձնաժողով։
Նախագծով լուծարման արդյունքում բյուրոյից հեռացված աշխատակիցներին կտրամադրվի փոխհատուցում մեկ ամսվա աշխատավարձի չափով։
