Վրաստանի խորհրդարանի ետնամուտքի մոտ բողոքի ակցիա է տեղի ունենում։ Ապրիլի 9-ին փողոցային ցույցի ժամանակ բախում է տեղի ունեցել ցուցարարների և ոստիկանների միջև։
Քաղաքացիական ակտիվիստներն ու լրագրողները հավաքվել էին խորհրդարանի հետևի մուտքի մոտ՝ վանկարկելով «Ազատություն Մզիա Ամագլոբելիին»։
Այնուհետև նրանք որոշել են ակցիան շարունակել ապրիլի 9-ի փողոցում՝ խորհրդարանի շենքի հարևանությամբ։ Երբ ապրիլի 9-ին լրատվամիջոցների ներկայացուցիչները և մյուս ցուցարարները շարժվեցին դեպի փողոց, ոստիկանությունը սահմանափակեց նրանց տեղաշարժը։
Լրագրողներն իրավապահներին բացատրել են, որ իրենք ճանապարհը փակելու մտադրություն չունեն և ցանկանում են շարունակել բողոքի ակցիան, որից հետո ոստիկանները թույլ են տվել շարժվել մայթով, սակայն մի քանի րոպեում իրավիճակը փոխվել է, ոստիկանները լրագրողներին հնարավորություն չեն տվել կանգնելու մայթին։ ԶԼՄ-ների ներկայացուցիչները շարժվել են դեպի խորհրդարանի դիմացի տարածք։
Հատկանշական է, որ ակցիայի ընթացքում ոստիկանները տարածքից հեռացրել են երկու հոգու։ Ինչ վերաբերում է իրավապահներին, ապա նրանք մոբիլիզացված են խորհրդարանի ողջ տարածքում՝ թե՛ հարակից փողոցներում, թե՛ խորհրդարանի հետնամասում գտնվող այգում։
Բողոքող քաղաքացիները պահանջում են ազատ արձակել «Բաթումելեբի»-ի և «Նեթգազեթի»-ի հիմնադիր Մզիա Ամագլոբելիին, ով արդեն 24 օր հացադուլ է անում։
Բողոքի մասնակիցների խոսքերով՝ լրագրող Մզիա Ամաղլոբելին իշխանությունների համար անընդունելի անձնավորություն է, և նա պատժվում է իր կարծիքի համար։
Նրանք կոչ են անում Վրաստանի գլխավոր դատախազ Գիորգի Գաբիթաշվիլիին անհապաղ միջնորդել դատարանին՝ Մզիա Ամաղլոբելիի նկատմամբ խափանման միջոցը՝ կալանավորումը, փոխել։
Քաղաքացիները տարբեր բովանդակությամբ պաստառներ են բերել իրենց հետ։
Գարնանային նստաշրջանի առաջին լիագումար նիստին եկող պատգամավորներին քաղաքացիները սուլոցներով են դիմավորում, այդպիսով արտահայտում են իրենց բողոքը։
Զուգահեռ քաղաքացիները բողոքում են «Վրացական երազանք»-ի կողմից քրեական և վարչական իրավախախտումների վերաբերյալ օրենսգրքում հայտարարված օրենսդրական փոփոխությունների դեմ։
ՆԳՆ-ն աննախադեպ թվով աշխատակիցներ են մոբիլիզացվել խորհրդարանի տարածքում, նրանցից ոմանք շրջափակել են օրենսդիր մարմնի հետնամուտքը։
Այսօր բացվում է Վրաստանի խորհրդարանի գարնանային նստաշրջանը, որին ընտրական կոլեգիայի կողմից նախագահի պաշտոնում ընտրված Միխեիլ Կավելաշվիլին ելույթ կունենա և զեկույց կներկայացնի երկրի իրավիճակի կարևորագույն հարցերի վերաբերյալ։ Խորհրդարանի շենքում անվտանգության դեղին մակարդակ է հայտարարվել։